Сенбілік жұмыстар жалғасуда

Көктемнің наурыз-сәуір айы күл-қоқыстан тазарып, жаңару мерзімі. Бүгін жалпыхалықтық сенбілік күні.

Осыған орай, Мақат аудандық аурухана мен Доссор селолық ауруханасында дәстүрлі сенбілік шарасы өтті. Қоғамдық шараға тазалыққа бей-жай қарамайтын дәрігерлер мен мейірбикелер қатысып, жұмысқа жұмыла кірісті.

Аумақты күл-қоқыстан тазартқан ақ халаттылар көшеттерді қопсыту жұмыстарына да атсалысты.

Сонымен қатар, сенбілікке қатысқандар ауруханада санитариялық талаптарға сай тазарту жұмыстарын жүргізіп, аурухана іргесіндегі көшелерді де тазалады.

Мақат аудандық аурухананың баспасөз қызметі